Մեկնարկել է Վենետիկի միջազգային կինոփառատոնը (լուսանկարներ)

Իտալիայում մեկնարկել է Եվրոպայի հնագույն՝  Վենետիկի միջազգային կինոփառատոնը, որն այս տարի նշում է իր 80-ամյակը և անց է կացվում 69-րդ անգամ:

 
Փառատոնի բացումն սկսվել է աստղերի ավանդական երթով, որոնց շարքում ամենահայտնի դեմքը եղել է ֆրանսիացի մոդել և դերասանուհի Լետիսիա Կաստան:


Կաստան այս Տարվա Վենետիկի փառատոնի ժյուրիի կազմում է: Այս տարի ժյուրին, ինչպես նկատում են համաշխարհային ԶԼՄ-ները, զիջում է իր «աստղայնությամբ»: Ժյուրիի կազմում է նախկինում փառատոնի մրցանակակիր, հնդիկ կին ռեժիսոր Միրա Նաիրը:

«Աղքատիկ» է բնորոշվել նաև փառատոնի մրցութային ծրագիրը. Ոսկե առյուծների համար պայքարելու է 18 ֆիլմ:

Փառատոնի բացման ֆիլմը եղել է Միրա Նաիրի «Ակամա ֆունդամենտալիստը»: Սպասվում է նաև Տակեշի Կիտանոյի վերջին աշխատանքներից մեկի ցուցադրությունը:

Կինոփառատոնը կտևի 10 օր: