Մահացել է հանրահայտ պոետ- երգահան Հել Դևիդը

Լոս Անջելեսում (ԱՄՆ) 92 տարեկան հասակում կյանքից հեռացել է հանրահայտ պոետ-երգահան Հել Դևիդը, ով աշխարհին է նվիրել օսկարակիր Raindrops Keep Fallin' On My Head ստեղծագործությունը, հայտնում է «Ասոշիեյթիդ պրես»-ը:

Գործակալության համաձայն` նա մահացել է շաբաթ օրը, ուղեղի կաթվածից հետո առաջացած բարդությունների հետևանքով:

Դևիդը բազմաթիվ մրցանակների դափնեկիր է և գլուխգործոցների հեղինակ: Նրան է պատկանում Ջեյմս Բոնդի մասին վեցերորդ ֆիլմի  («Ձերդ գերազանցության գաղտնի ծառայությունում») երաժշտությունն ու լեգենդար What the World Needs Now Is Love ստեղծագործությունը:

Իսկ «Բուչ Քեսիդի և Սանդենս Քիդ» ֆիլմում հնչած Raindrops Keep Fallin' On My Head երգն «Օսկար» է պարգևել ֆիլմին` լավագույն օրիգինալ երգի համար: