Իտալացին անհավանական պատկերներ է ստեղծում սովորական կնիքով (լուսանկարներ)

Իտալացի Ֆեդերիկո Պիտրելան ստեղծագործելու հարցում բավական սրամիտ է գտնվել։ Արտասովոր ու գեղեցիկ պատկերներ ստանալու համար նա վրձինն ու ներկերը փոխարինել է ընդամենը 1 իրով՝ սովորական կնիքով, գրում է «Օդիթի Սենթրալ»-ը։

Նրա սև ու սպիտակ աշխատանքներին հեռվից նայելիս գրեթե անհնար է գուշակել, որ դրանք կնիքով են արվել։ Այս յուրահատուկ նկարչական տեխնիկան իտալացին կիրառում է արդեն 15 տարի։

Հեղինակի խոսքով՝ յուրաքանչյուր նմուշ ավարտին հասցնելու համար նրանից պահանջվում է միջինը 1- 2 ամսվա քրտնաջան աշխատանք։

Պիտրելան այնպիսի արհեստավարժությամբ է աշխատում, որ կնիքով ստեղծագործելու միջոցով կարողանում է հոգալ իր կարիքները։

Նրա նկարները շատ բարձր են գնահատվում ժամանակակից արվեստի սիրահարների կողմից, և դրանց գինը հասնում է մինչև 20 հազար եվրո։