Շրջապատում «անհետացած» մերկ մարմին. ավստրալուհու գեղեցիկ նկարները մարմինների վրա (լուսանկարներ)

Դարեր շարունակ նկարիչներին գրավել է կանացի մերկ մարմինների վրա նկարներ ստեղծելու գաղափարը։ Այս գաղափարն իրականացրած մեր օրերի կարևոր դեմքերից է ավստրալուհի Էմմա Հեքը։

Մերկ մարմիններ, որոնք այնքան մանրակրկիտ և հմտորեն են ներկվում ձեռքով, որ «անհետանում» են միջավայրում։ Խելապտույտ նախշերի և վառ գույների ներքո Հեկի մոդելները պարզապես «կորչում» են շրջապատում, գրում է huffingtonpost.com-ը։

Հեքն է՛լ ավելի ճանաչված է դարձել արվեստի այս ոլորտում, երբ իր աշխատանքը ներկայացրել է Gotye-ի հայտնի «Somebody That I Used To Know» երգի տեսահոլովակում։ 23 ժամ տևած այդ աշխատանքը նկարչուհին անվանել է «ամենաբարդը, որն ինքը երբևէ ստիպված է եղել անել»։