Հայտնի է Իրաքի նոր նախագահի անունը
Իրաքի ներկայացուցիչների խորհուրդը (խորհրդարան) Ֆուադ Մաասումին ընտրել է երկրի նախագահ, տեղեկացնում է ИТАР-ТАСС գործակալությունը:
Ընտրությունը պետք է կայանար երեկ, սակայն այն հետաձգվել է՝ երկրի բարձրագույն պաշտոնի համար թեկնածու առաջադրելու հարցում պատգամավորների տարաձայնության պատճառով:
Այս փուլում խորհրդարանը պետք է ձևավորի նոր կառավարություն և համաձայնեցնի երեք ղեկավար պաշտոնները՝ խորհրդարանի խոսնակ, նախագահ և վարչապետ:
Խորհրդարանի խոսնակ էր անցյալ շաբաթ ընտրվել սուննի կոալիցիայի ներկայացուցիչ Սելիմ ալ-Ջուբուրին:
Իրաքի նախագահը հիմնականում ներկայացուցչական գործառույթ ունի, իսկ իշխանությունը փաստացի գտնվում է վարչապետի ձեռքում, ում ընտրությունը դեռ առջևում է:










