Սաակաշվիլին Կիևում «Վրաստանի ազատագրման շտաբ» է ստեղծել. ԶԼՄ-ներ
Վրաստանի նախկին նախագահ Միխեիլ Սաակաշվիլին, ով գրեթե ամբողջ ժամանակն Ուկրաինայում է անցկացնում, Կիևում «Վրաստանի ազատագրման շտաբ» է ստեղծել, հայտնում է Взгляд-ը՝ «Ալիա» թերթին հղումով։
Ըստ հոդվածի՝ շտաբում ներառվել են Սաակաշվիլիի «Միացյալ ազգային շարժում» կուսակցության հինգ հայտնի անդամներ:
Սաակաշվիլին ու այդ անձինք Կիևում կանոնավոր ինստրուկտաժներ են անցկացնում Վրաստանի ներկայիս իշխանությունների կողմից ՆԳՆ-ից հեռացված աշխատակիցների համար:
Շտաբի նպատակն է աշնանն անկարգություններ կազմակերպել Վրաստանում:
Իր հերթին Վրաստանի վարչապետ Իրակլի Ղարիբաշվիլին վիրավորական է գնահատել Ուկրաինայի նախագահի օգնական Յուրի Լուցենկոյի՝ Թբիլիսի կատարած վերջին այցի ժամանակ արած հայտարարությունները. նա քննադատել է Վրաստանի դատական համակարգը: Աղբյուրն Ուկրաինայի իշխանությունների ուշադրությունն է հրավիրում, թե Թբիլիսիի ու Կիևի ավանդական լավ հարաբերությունները կարող են վատթարանալ:










