«Մատմո» թայֆունն ավերածություններ է անում Չինաստանում, իսկ վաղը կմոտենա Ռուսաստանին (լուսանկարներ, տեսանյութ)
«Մատմո» հզոր թայֆունը, որը նախօրեին Թայվանում էր, այսօր արդեն հասել է Չինաստանի արևելք։ Ֆուցզյան նահանգում այժմ հեղեղումներ են և կործանարար ջրհեղեղներ, հայտնում է Корреспондент-ը։
Քաղաքների փողոցները գետեր են հիշեցնում, շատ ճանապարհներ դժվարանցանելի են, ջրի մակարդակը հասնում է 0.5 մետրի։ Չինաստանի արևելքը դեռևս չէր վերականգնվել «Ռամասուն» թայֆունից, որի զոհն էր դարձել 56 մարդ։
«Մատմո» հզոր թայֆունը «Թայվանական ավիաուղիների» ղեկավարությունն այսօր անվանել է ուղևորատար ինքնաթիռի կործանման հիմնական պատճառը. նախօրեին օդանավի կործանման հետևանքով մահացել է 48 մարդ։ Սակայն կառավարական հանձնաժողովն այդ վարկածը հերքել է։ Ցիկլոնի գոտում հայտնվել է 9 ինքնաթիռ, սակայն նրանցից ոչ մեկը չի կործանվել։
Թայֆունը կանգ չի առել Չինաստանում և այժմ շարժվում է դեպի ՌԴ Պրիմորսկի շրջան։ ՌԴ ԱԻՆ-ն արդեն արտակարգ նախազգուշացում է արել շրջանում։ Վլադիվոստոկ և շրջանի հարավ կգան ուժեղ անձրևներ, որոնք կարող են տևել մինչև 12 ժամ։ Փրկարարները կանխատեսում են, որ գետերի ջրերը կարող են բարձրանալ կես մետրով, հնարավոր են բնակավայրերի հեղեղումներ։




























