Թուրքիան պատրաստ է բուժել ծանր հիվանդ ղրիմցի թաթարներին

14:33 • 30.07.14

Թուրքիայի առողջապահության նախարարության հիվանդանոցներում ղրիմցի թաթարները կարող են անհրաժեշտ բուժում ստանալ, գրում է korrespondent.net-ը:

 

Ծանր հիվանդ 12 ղրիմցի թաթարներ, որոնցից 5-ը երեխաներ են, կարող են բուժվել Թուրքիայի առողջապահության նախարարության հիվանդանոցներում:

 

«Մեր հիմնական առաջնահերթությունը մեր եղբայր ղրիմցի թաթարների անվտանգությունն ու բարեկեցությունն է: Եղբայրական ժողովրդի այդ դժվարին կացության մեջ թուրքական պետության պարտականությունն է անհրաժեշտ քայլեր ձեռնարկել նրանց բարօրության համար»,-ասված է  ԱԳՆ-ի տարածած հաղորդագրության մեջ:

 

Նշվում է, որ Ստամբուլում բուժում ստացող 12 ղրիմցի թաթարներից 5-ը երեխաներ են, որոնք հուլիսի 28-ին բուժվելու են եկել ընտանիքների հետ:


Բացի այդ, ևս 7 հիվանդներ փաստաթղթերի ձևակերպումից հետո կբուժվեն Թուրքիայի հիվանդանոցներում: