Նորվեգացի նկարիչները գեղարվեստի ակադեմիա կբացեն Հյուսիսային Կորեայում

Նորվեգացի նկարիչներ Հենրիկ Պլախտը և Մորտեն Տրաավիկը Հյուսիսային Կորեայի կառավարությանն առաջարկել են գեղարվեստի ակադեմիա հիմնել երկրում, հայտնում է Лента-ն։

Բանակցություններն ընթացել են 2014թ. օգոստոսին։ Նախագիծը, որը ֆինանսավորում է Արքայազն Կլաուսի նիդեռլանդական հիմնադրամը, արժանացել է Փհենյանի հավանությանը։

Նկարիչները ցանկանում են ակադեմիան անվանել այնպես, ինչպես ընդունված է նշել կորեական ապառազմականացված գոտին՝ DMZ: Ուսումնական հաստատությունը նախատեսված կլինի հյուսիսկորեացի ուսանողների համար, սակայն պլանավորվում են նաև միջազգային ծրագրեր։

«Մենք եկել ենք Հյուսիսային Կորեա, քանի որ չենք հավատում պատժամիջոցներին և բոյկոտներին արվեստի բնագավառում»,- ասել է Պլախտը։