Մայքլ Ջեքսոնն այսօր կդառնար 56 տարեկան (լուսանկարներ, տեսանյութ)

Փոփ երաժշտության պատմության ամենահաջողակ կատարողներից մեկը, «փոփ երաժշտության արքա», 15 «Գրեմմի» և հարյուրավոր այլ մրցանակների մրցանակակիր Մայքլ Ջեքսոնն այսօր կդառնար 56 տարեկան:

Մայքլ Ջեքսոնը ծնվել է 1958թ. օգոստոսի 29-ին, Ինդիանա նահանգում, Ջոզեֆ և Քեթրին զույգի ընտանիքում: Նա 10 երեխաներից 8-րդն էր: Մայքլը սկսել է աշխատել վաղ հասակից: The Jackson 5 խումը, որտեղ նա երգել է իր եղբայրների հետ, շատ հայտնի էր 1960-70-ականներին:

Երգչի կենդանության օրոք թողարկվել է 10 ալբոմ, իսկ մահից հետո՝ 2-ը։ Երգիչն արժանացել է 395 տարբեր մրցանակների, 2 անգամ ընդգրկվել է Ռոքնռոլի փառքի սրահում, ինչպես նաև Գինեսի ռեկորդների գրքում՝ որպես «Բոլոր ժամանակների ամենահաջողակ արտիստ»։

 Ջեքսոնը կյանքից հեռացել է ընդամենը 50 տարեկան հասակում՝ 2009թ. հունիսի 29-ին։