Մեկնարկել է «Այրվող մարդ» փառատոնը. ԱՄՆ-ում այրել են «Գրկախառնություն» քանդակը (լուսանկարներ)

ԱՄՆ-ի Նևադա նահանգի Սև ժայռ անապատում անցկացվում է «Այրվող մարդ» (Burning Man) 27-րդ ամենամյա մշակութային և արվեստների փառատոնը, որի ժամանակ հազարավոր մասնակիցներ տասնյակ հսկա կառույցներ ու քանդակներ են կառուցում, որոնք էլ այրվում են:

Ինչպես ներկայացնում է Business Insider-ը՝ անցյալ ուրբաթ փառատոնի շրջանակներում այրվել է կնոջ և տղամարդու հսկա քանդակը: Այն ստացել է «Գրկախառնություն» անվանումը, որը խորհրդանշում է «տոնակատարությունը բոլոր հարաբերություններում»:

Ավոլի քան 72 000 կգ փայտից կառուցված քանդակի բարձրությունը կազմում էր մոտ 22 մետր: Քանդակի կառուցումն արժեցել է 266 000 դոլար, իսկ կառուցման աշխատանքներն իրականացրել են կամավորները: