Հրապարակվել է «Չառլին և շոկոլադե ֆաբրիկան» մանկական գրքի՝ նախկինում անհայտ գլուխը

Հրապարակվել է «Չառլին և շոկոլադե ֆաբրիկան» մանկական գրքի՝ նախկինում անհայտ գլուխը։

Գրեթե 50 տարի առաջ հրատարակիչներն այդ մասը, որը վերջերս է հայտնաբերվել գրքի հեղինակ Ռոալդ Դալի թղթերում, համարել են ոչ բավականաչափ բարոյական 1960-ականների երեխաների համար, գրում է buro247.ru-ն։

Համացանցի և սոցկայքերի ներկայիս սերնդին դժվար է շփոթեցնել Չառլի Բաքետի արկածների մասին պատմություններով, այդ պատճառով էլ գրքի 5-րդ մասը կարելի է համարձակ հրապարակել։

Նոր գլխում Չառլի Բաքետն իր մայրիկի և այլ երեխաների հետ հայտնվում է «Վանիլային կոնֆետի» սենյակում։ Նրանք տեսնում են հսկայական, 5-հարկանի շենքի բարձրության լեռ, որի «լանջերին» մարդիկ կտրում են կոնֆետից և ուղարկում «Կտրատման սենյակ», որտեղ պինդ զանգվածը մասնատում են և վերածում նուրբ քաղցրավենիքի։

Նոր գլխով «Չառլին և շոկոլադե ֆաբրիկան» գրքի հրատարակման առաջին շաբաթվա ընթացքում վաճառվել է 10.000 նմուշ։

Վիպակի հրատարակման պահից ի վեր դրա տպագրումը երբեք չի դադարել, և միայն Մեծ Բրիտանիայում հրատարակվել է մոտ 30 մլն գիրք։