Հանուն արվեստի արժե մեռնել. չնայած սպառնալիքներին՝ Վենետիկում ցուցադրվել է Ցեղասպանության մասին թուրք ռեժիսորի ֆիլմը (ֆոտոշարք)

Վենետիկի 71-րդ միջազգային կինոփառատոնում կայացել է թուրքական ծագումով գերմանացի անվանի ռեժիսոր Ֆաթիհ Աքընի «Վերք» (The Cut) ֆիլմի պրեմիերան, որը պատմում է Հայոց ցեղասպանության մասին, հայտնում է Hurriyet-ը և ֆոտոշարք ներկայացնում փառատոնից:

Աքընի ֆիլմը մասնակցում է հիմնական մրցույթին, պայքարում «Ոսկե առյուծ» մրցանակի համար:

Աղբյուրը հիշեցնում է, որ ֆիլմի առիթով հայտնի ռեժիսորը սպառնալիքներ էր ստացել թուրք ազգայնականներից, ինչի առնչությամբ Աքընն ասել էր, որ «հանուն արվեստի արժե մեռնել»: Ֆիլմի ցուցադրման առիթով ևս սպառնալիքներ են եղել, սակայն պրեմիերան այնուամենայնիվ կայացել է:

Ֆիլմի պրեմիերային ներկա են եղել ստեղծագործական խմբի հայազգի անդամները՝ սցենարի համահեղինակ հայազգի Մարտիկ Մարտինը (լուսանկարում՝ նստած), դերասան Սիմոն Աբգարյանը, որը հայ հանդիսատեսին ավելի շատ հայտնի է Ռոբեր Քեշիշյանի «Արամ» ֆիլմից:

Նույն առիթով newsru.com-ը գրում է, որ Աքընի ֆիլմի պրոդյուսերների թվում են նաև ռուսաստանաբնակ ազդեցիկ պրոդյուսերներ Ռուբեն Դիշդիշյանն ու Արամ Մովսեսյանը:

Կադրեր ֆիլմից

Աքընը գլխավոր դերակատար Տահար Ռահիմի հետ

Մարտիկ Մարտինը

մարոկկացի երգչուհի  Զահրա Հինդին

Զահրա Հինդին, Լարա Հելերը, Արևիկ Մարտիրոսյանը