Ռոբերտ դե Նիրոյի մասին նոր գիրքը բացահայտում է նրա գաղտնիքները (լուսանկարներ)

Բրիտանական Daily Mail պարբերականն անդրադարձել է ամերիկացի աշխարհահռչակ դերասան Ռոբերտ դե Նիրոյի մասին նոր գրքին՝ «De Niro: A Life»-ին:

Նշվում է, որ իր անձնականի հարցում Դե Նիրոն իրեն «սֆինքսի պես է պահում»՝ ոչ թե ամաչկոտությունից ելնելով, այլ գաղտնիքների պատճառով:

Գրքում հեղինակ Շոն Լևին գրում է, որ փառքի գագաթնակետին Դե Նիրոն չարաշահել է կոկայինն ու կանանց, գերադասել ոչինչ չպարտադրող հարաբերություններ: Դե Նիրոն նախընտրում է սևամորթ կանանց: Նոր կենսագրության մեջ նկարագրվում են նաև Դե Նիրոյի կողմից կանանց նեղացնելու մի քանի դեպքեր. նա, մասնավորապես, սևամորթ ընկերուհիներից մեկին ստիպել է հղիության արհեստական ընդհատման դիմել:

Նրա սիրուհիների թվում են եղել Ուիթնի Հյուսթոնը, Նաոմի Քեմփբելը, Ումա Թուրմանը և շատ այլ՝ ոչ այնքան հայտնի անուններ:

Նշվում է նաև, որ դերասանի հայրը՝ հայտնի գեղանկարիչ, բիսեքսուալ է եղել: Մոր՝ հորից բաժանվելուց հետո Դե Նիրոն ականատես է եղել մոր բազմաթիվ կապերին: