Բեթհովենի ստեղծագործական արվեստանոցի գաղտնիքները կբացահայտվեն մոտ 6 մլն եվրոյով

Գերմանական Բոն քաղաքում Լյուդվիգ վան Բեթհովենի տուն-թանգարանի գիտաշխատողները սկսում են նոր նախագիծ, որն ուսումնասիրելու է գերմանացի կոմպոզիտորի ստեղծագործական արվեստանոցը։

Մասնավորապես, համակարգչային տեխնոլոգիաների միջոցով կուսումնասիրվի երաժշտության ստեղծման գործընթացը, աշխատանքը սևագրերի վրա և արդեն ավարտված ստեղծագործությունների կատարելագործումը, գրում է Deutsche Well-ն։

«Բեթհովենի արվեստանոցը» նախագծին, որի շնորհանդեսը կայացել է այսօր, մասնակցում են նաև Պադերբորնի համալսարանի երաժշտության տեսության ամբիոնի և Դեթմոլդում բարձրագույն երաժշտական դպրոցի աշխատակիցները։

Նախագիծը նախատեսված է 16 տարվա համար և կարժենա 6.1 մլն եվրո։ Աշխատանքի արդյունքները կհրապարակվեն համացանցում։