Հալեպում ռուսական հյուպատոսարանի առաջ մեքենա է պայթեցվել. լրատվամիջոցներ

Սիրիայում ՌԴ գլխավոր հյուպատոսության շենքի մոտ ականապատ մեքենա է պայթեցվել, հաղորդում է Интерфакс գործակալությունը:

«Հնարավոր զոհերի կամ հարձակման պատասխանատուների մասին տեղեկություններ չեն հաղորդվում»,- հայտնում են աղբյուրները:

Ըստ իրանական FARS գործակալության՝ միջադեպը տեղի է ունեցել Հալեպ քաղաքում, որտեղ, Դամասկոսում ռուսական դեսպանատան տվյալներով, ռուսական հյուպատոսարանը չի գործում:

«Մենք այնտեղ դիվանագետներ չունենք, այն փակ է գրեթե սիրիական հակամարտությունից ի վեր»,-հայտարարել է դեսպանատան ներկայացուցիչը։