Fox News-ն աշխատանքից հեռացրել է 2 մեկնաբանի՝ Օբամայի հասցեին արված ոչ պատշաճ արտահայտությունների համար

Ամերիկյան Fox News հեռուստաալիքի տնօրինությունն աշխատանքից ժամանակավորապես հեռացրել է 2 հեռուստամեկնաբանի, որոնք ուղիղ եթերում ոչ պատշաճ արտահայտություններ են արել նախագահ Բարաք Օբամայի հասցեին:

Ինչպես հայտնում է lenta.ru-ն, մասնավորապես աշխատանքից 2 շաբաթով հեռացվել են Ռալֆ Պետերսն ու Սթեյսի Դեշը, որոնց արտահայատությունները, ըստ Fox News-ի ղեկավարության, անընդունելի են եղել իրենց եթերի համար:

Աղբյուրը հավելում է, որ Պետերսի ու Դեշի արտահայտությունները վերաբերում էին դեկտեմբերի 6-ին Օբամայի` ամերիկացիներին ուղղված տեսաուղերձին, որի հիմնական թեման ահաբեկչության սպառնալիքն է եղել։

Նշվում է, որ Սպիտակ տունը որևէ կերպ չի արձագանքել տվյալ միջադեպին։