ԻՊ-ի գրոհայինները Սիրիայում կրկին ռազմավարական նշանակության քաղաք են գրավել

Սիրիացի զինվորականները հաղորդել են, որ «Իսլամական պետություն» խմբավորման գրոհայինները  ռազմավարական նշանակության քաղաք են  գրավել  Հոմս նահանգում:

Ինչպես  նշում է Associated Press-ը` այս ամենից հետո սիրիական բանակն այժմ պետք է ընդլայնի օդային միջանցքը ռուսական ավիացիայի ռմբակոծությունների համար:

Կառավարության տվյալներով` երկու շաբաթ առաջ կառավարական զորքերին հաջողվել էր «Իսլամական պետությունից»  ետ գրավել Մահին քաղաքը  Դամասկոսը և Հոմսը միացնող մայրուղում իրականացված գրոհի արդյունքում:

ԻՊ-ի լրատվական միջոցները տեղեկացրել են, որ դեկտեմբերի 10-ի գիշերը գրոհայինները գրավել են քաղաքի շրջակա տարածքները: