Ամերիկացի միլիարդատերը 100 000-ական դոլար բոնուս է բաժանել իր 1381 աշխատակիցներին
Տեխասցի միլիարդատերն իր բոլոր 1381 աշխատակիցներին 100 000-ական դոլար դրամական պարգև է շնորհել:
Ինչպես տեղեկացնում է Business insider-ը` խոսքը Hilcorp ամերիկյան նավթային ընկերության հիմնադիր-ղեկավար Ջեֆրի Հիլդեբրենդի մասին է: Վերջին տարիներին ընկերությունը բավականին լավ եկամուտ է ունեցել, և նա որոշել է պարգևատրել իր աշխատակիցներին:
Նրա խոսքով` դա պարգևատրում է ընկերության ծավալների կրկնապատկմանն ուղղված 5-ամյա նվիրված աշխատանքի համար:
Մասնագիտությամբ երկրաբան Հիլդեբրենդը ընկերությունը հիմնադրել է 1989-ին: Այն 3 տարի անընդմեջ հայտնվել է աշխատելու համար «100 լավագույն ընկերությունների» թվում:










