Նովոսիբիրսկում հուսահատ հայրը բանկ է թալանել հիվանդ երեխայի բուժման համար

ՌԴ Նովոսիբիրսկ քաղաքի ոստիկանությունը փնտրում է իր հիվանդ երեխայի համար գողություն կատարած անձին, գրում է ntv.ru-ն:

Միջադեպը տեղի է ունեցել դեկտեմբերի 27-ի առավոտյան: Խոշոր բանկի ստորաբաժանումներից մեկն է մտել զինված տղամարդ: Նա խնդրել է բանկի աշխատակցուհիներին չսեղմել ահազանգի կոճակը և գումար է պահանջել: Իր արարքը նա բացատրել է նրանով, որ իրեն գումար է հարկավոր հիվանդ երեխայի բուժման համար:

ԶԼՄ-ների հաղորդմամբ՝ դրանից առաջ բանկի ստորաբաժանում է մտել մի կին, ով ցանկացել է վարկ վերցնել երեխայի բուժման համար, բայց նրան մերժել են։

Գողության փաստի առթիվ հարուցվել է քրեական գործ։