Նա, ով առանց թերությունների ընկեր է փնտրում, միայնակ կմնա. արաբական ասացվածքներ

Արևելքը պատկերացնում ենք տաք գույներով, նեղ փողոցներով, այրող արևի ճառագայթներով, գեղեցիկ, գունագեղ զգեստներով և երկար ձգվող քարավաններով:  Այս մասին գրում է AdMe.ru–ն` ներկայացնելով արաբական իրականությունը պատկերող ասացվածքներ և իմաստուն խոսքեր:

1. Երբ խոսում ես, բառերդ պետք է լռությունից լավը լինեն:

2. Ոչխարների բանակն` առյուծի  հրամանատարությամբ, կհաղթի առյուծների բանակին` ոչխարի հրմանատարությամբ:

3. Սխալները հերքելը կրկնակի սխալ է:

4. Խելացին կհասկանա, եթե աչքով անես, հիմարը կհասկանա, եթե հրես:

5. Խելացի կինը շաքար է ավելացնում այն ամենին, ինչ ասում է տղամարդուն և հանում է աղն այն ամենից, ինչ իրեն ասում է տղամարդը:

6. Մեկ ձեռքբերված փորձն ավելի լավ է, քան իմաստության 7 կանոնները:

7. Քնքուշ խոսքերով և բարությամբ կարելի է փղին մազի վրայով քայլեցնել:

8. Քամին այնպես չի փչում, ինչպես նավերն են ցանկանում:

9. Եթե զնդան ես  դարձել, դիմացիր, եթե մուրճ ես դարձել, հարվածիր:

10.  Նա, ով առանց թերությունների ընկեր է փնտրում, միայնակ կմնա:

11.  Անդադար արևոտ օրերն անապատ են առաջացնում:

12.  Եթե հոգումդ գոնե մեկ ծաղկող ճյուղ է մնացել, այդտեղ անպայման երգող թռչուն կհայտնվի:

13.  Հաղթահարելով հպարտությունը` մարդ հաճելի է դառնում: Հաղթահարելով զայրույթը` մարդ ուրախ է դառնում: Հաղթահարելով կիրքը` նա բարգավաճում է: Հաղթահարելով ագահությունը` նա երջանիկ է դառնում: 

14.  Լավ տիրակալը նա է, ով կարողանում է հրամայել ինքն իրեն:

15.  Եթե վախենում ես մի ասա, եթե ասել ես, մի վախեցիր:

16. Հաղթանակը ցույց է տալիս, թե ինչ կարող է մարդ անել, իսկ պարտությունը` ինչի է նա արժանի: