Հարիսոն Ֆորդը, Ռայան Գոսլինգն ու Ռոբին Ռայթը կնկարահանվեն «Շեղբի վրայով վազողը» ֆիլմի շարունակությունում

Հոլիվուդյան հայտնի դերասաններ Հարիսոն Ֆորդը, Ռայան Գոսլինգն ու Ռոբին Ռայթը պատրաստվում են նկարահանվել օսկարակիր ռեժիսոր Դենի Վիլնյովի նոր կինոնախագծում։

Ինչպես հայտնում է The Guardian-ը, Վիլնյովը կստեղծի 1982թ. էկրան բարձրացած՝ լեգենդար Ռիդլի Սքոթի «Սայրի վրայով վազողը» (Blade runner) ֆիլմի շարունակությունը։

Նշվում է, որ Հարիսոն Ֆորդը կմարմնավորի դետեկտիվ Ռիք Դեկարդին, ով փորձելու է Լոս Անջելեսում որսալ աշխարհը գրոհած ռեպլիկանտներին:
 

Իսկ ինչ վերաբերում է Գոսլինգին ու Ռայթին, ապա նրանց դերերի մասին որևէ բան հայտնի չէ:

Աղբյուրը մանրամասնում է, որ սիքվելի նկարահանման աշխատանքները կմեկնարկեն ընթացիկ տարվա հուլիսին, իսկ 2018թ. հունվարի 12-ին այն կբարձրանա մեծ էկրան: