Լեդի Գագան և Էլթոն Ջոնը հագուստի շարք են թողարկել

«Գրեմմի» մրցանակաբաշխության ժամանակ համատեղ ելույթից հետո Լեդի Գագան և Էլթոն Ջոնը շարունակում են համագործակցությունը։ Այժմ նրանք հագուստի շարք են թողարկում, գրում է buro247.ru-ն:
 

Նրանց համատեղ ջանքերն արդեն իրենց արդյունքներն են տվել Love Bravery ապրանքանիշի ներքո: Հավաքածուն խանութներում կլինի մայիսի 9-ից: Կներկայացվեն պարզ և վառ իրեր` վերնաշապիկներ, ակնոցներ, պայուսակներ, գլխարկներ: Յուրաքանչյուր իր կարժենա 100 դոլարից ոչ ավելի` 12-99 դոլար:
 

Յուրաքանչյուր իրի վաճառքի ¼-ը կուղարկվի աստղերին պատկանող բարեգործական հիմնադրամներից մեկին` Born This Way Foundation-ին կամ Elton John AIDS Foundation-ին։