Եղանակն՝ այսօր
Էն Հեթուեյը ՄԱԿ-ի բարի կամքի դեսպան է նշանակվել
Հոլիվուդյան հայտնի դերասանուհի Էն Հեթուեյը ՄԱԿ-ի՝ Կանանց իրավունքների պաշտպանության հարցերով բարի կամքի դեսպան է նշանակվել, ինչի մասին հայտնում է The Guardian-ը:
Բրիտանական պարբերականը մանրամասնում է, որ օսկարակիր դերասանուհին այս կապակցությամբ հանդես է եկել հայտարարությամբ, որում նշել է, որ դա իր համար մեծ պատիվ է:
«Անչափ ոգևորված եմ աշխարհում կանանց իրավունքների պաշտպանությամբ զբաղվելու՝ ինձ ընձեռված հնարավորությամբ»,-ասել է վերջերս մայրացած Հեթուեյը:
Հայտնի է, որ դերասանուհին այս բնագավառում նորեկ չէ ու բավական մեծ փորձ ունի: Նախկինում Հեթուեյը մասնակցել է կանանց իրավունքների պաշտպանության հարցերով մի շարք միջազգային նախագծերի:
Աղբյուրը հավելում է, որ Հեթուեյից զատ որպես ՄԱԿ-ի՝ Կանանց իրավունքների պաշտպանության հարցերով բարի կամքի դեսպան են ծառայում դերասանուհիներ Նիկոլ Քիդմանն ու Էմմա Ուոթսոնը:
Studio One