Ոստիկանների վրա իրականացված հարձակումից հետո Ղազախստանում ահաբեկչության վտանգի կարմիր աստիճան է հայտարարվել (տեսանյութ)

12:32 • 18.07.16

Անհայտ անձինք հարձակվել են Ղազախստանի Ալմաթի քաղաք ոստիկանության շրջանային բաժնի և Ազգային անվտանգության կոմիտեի տեղի դեպարտամենտի վրա։

 

Հրաձգության ընթացքում սպանվել է երկու ոստիկան։ Մի քանիսը վիրավորվել են։

 

Ինչպես տեղեկացնում է gazeta.ru-ն,  Ալմաթիում տեղի ժամանակով 12։20-ից ահաբեկչության սպառնալիքի կարմիր աստիճան է հայտարարվել։

 

Քաղաքի ներքին գործերի նախարարության մամուլի ծառայության հայտարարության մեջ նշվում է, որ ոստիկանները քաղաքի բնակիչներին և հյուրերին կոչ են անում անվերապահորեն հետևել պահանջներին։

 

Վտանգի կարմիր աստիճանի հայտարարման դեպքում իրավապահներին թույլատրվում է անձնական խուզարկություններ իրականացնել, ստուգել իրերը, տրանսպորտային միջոցները, ընդհուպ սահմանափակելով կամ արգելելով դրանց շարժը։

 

Ուժային կառույցներն իրավունք ունեն նաև մտնել բնակելի տներ և այլ հաստատություններ։

 

Նման մակարդակի հայտարարումը ենթադրում է ուժերի լիակատար մոբիլիզացում և բոլոր ուժերի հատուկ ծառայությունների մարտական պատրաստվածություն։