Guns N' Roses ռոք խմբի անդամներին ձերբակալել են Կանադայի հետ սահմանին

16:00 • 18.07.16

Աշխարհի ամենահայտնի ռոք խմբերից մեկի` ամերիկյան Guns N' Roses-ի անդամները ձերբակալվել են Կանադային հետ սահմանին` ապօրինի զենք պահելու մեղադրանքով:

 

Ինչպես հայտնում է The Guardian-ը, Հյուսիսային Ամերիկայով շրջագայության մեջ գտնվող ռոքերներն ասել են իրավապահներին, որ  զենքն իրենցից ոչ մեկին չի պատկանում:

 

Նշվում է, որ միջադեպը տեղի է ունեցել Ֆիլադելֆիայից դեպի Տորոնտո ընկած ճանապարհին:

 

Խմբի անդամները մանրամասնել են, որ ոստիկաններն իրենց հետ բարեհամբույր են վերաբերվել ու հարցը պարզվելուց հետո ազատ են արձակել:

 

Այժմ խումբն անարգել շարունակում է իր հյուսիսամերիկյան շրջագայությունը, որից հետո  համերգներով մեկնելու է Բրազիլիա: