Էրդողանը խոստացել է զորամասեր կառուցել Ստամբուլի Գեզի այգու տարածքում
Ստամբուլի Թաքսիմի հրապարակի մոտ՝ Գեզի այգու տեղում զորանոցների կառուցման նախագիծը, որը 2013 թվականին ողջ Թուրքիայում բողոքի ակցիաների պատճառ էր դարձել, կիրականացվի հեղաշրջման փորձի ձախողումից հետո: Ինչպես տեղեկացնում է РИА Новости-ն, այդ մասին հայտարարել է երկրի նախագահ Թայիփ Էրդողանը։
«Մենք կսկսենք կառուցել Թաքսիմում պատմության համապատասխան զորամասեր՝ անկախ նրանից՝ դա նրանց դուր է գալիս, թե ոչ»,- ասել է Էրդողանը՝ ելույթ ունենալով Ստամբուլում իր աջակիցների առաջ:
Ավելի վաղ Թաքսիմ հրապարակում վերակառուցման նախագծով նախատեսվում էր առևտրի կենտրոնի և Օսմանյան կայսրության ժամանակների ռազմական հին շենքերի տեսակով ռազմական զորամասերի կառուցում:
2013 թվականի մայիսի 31-ին Գեզի այգում ծառերը կտրելու և կառուցապատման դեմ ելույթները վերաճել են բողոքի ակցիաների, որոնք տարածվել էին ողջ երկրով մեկ։










