Թուրքիան պետք է հարգի իրավունքի գերակայությունը. Ստոլտենբերգ

09:21 • 19.07.16

ՆԱՏՕ-ի գլխավոր քարտուղար Յենս Ստոլտենբերգը կոչ է արել Թուրքիայի ղեկավարությանը հարգել «սահմանադրական կարգը, իրավունքի և հիմնարար ազատությունների գերակայությունը», հայտնում է Deutsche Welle-ն:

 

Երեկ Բրյուսելում դաշինքի ղեկավարը հայտարարել է, որ «միասնական արժեքների կողմնակիցների յուրահատուկ համայնքի» մեջ մտնող Թուրքիայիհամար չափազանց կարևոր է ժողովրդավարության և դրա ինստիտուտների նկատմամբ անսահման հարգանքը:

 

Ստոլտենբերգն Անկարան անվանել է «ՆԱՏՕ-ի արժեքավոր դաշնակից» և նշել է, որ հուլիսի 15-ի հեղաշրջման ժամանակ «թուրք ժողովուրդը ցուցաբերել է մեծ քաջություն»:

 

Պաշտոնական տվյալներով՝ զոհերի ընդհանուր թիվը մոտեցել է 300-ի: