130 տարի անց հայտնի է դարձել` ում է Վան Գոգը տվել իր կտրած ականջը

Սեփական  ականջը կտրելուց 130 տարի անց հայտնի է դարձել այն կնոջ անունը, ում   հոգեկան խանգարումներով տառապող նկարիչ Վինսենտ Վան Գոգը հանձնել է իր մարմնի մասը:

Ինչպես նշում է gazeta.ru-ն,  այդ կինը Գաբրիել Բերլատյեն էր` ֆերմերի աղջիկը, ով աշխատում էր հասարակաց տանը:

 «Մինչև հիմա ենթադրվում էր, որ ականջը տրվել է նկարչի պատահական ծանոթներից մեկին կամ մի մարմանվաճառի, կամ էլ` հասրակաց տան տիրուհուն»,-նշվում է The Art Newspaper հանդեսում:

Աղբյուրը մանրամասնում է, որ  ուշագրավ բացահայտումն արվել է Բեռնադետ Մերֆի նոր գրքի շնորհիվ, որում հեղինակը մատնանշել այն կնոջ անունը, ում Վան Գոգը հանձնել է իր ականջը:

Հայտնի է, որ Գաբրիել Բերլատյեն շան հարձակումից հետո թանկարժեք  բուժում է ստացել  կատաղության դեմ, ուստի` առաջացած պարտքերը մարելու համար, ստիպված է եղել աշխատել հասարակաց տանը: Բայց քանի որ նա չափազանց երիտասարդ է եղել մարմնավաճառությամբ զբաղվելու համար, նրան  գրանցել են որպես հասարակաց տան սպասուհի:

Նշվում է, որ հետագայում Բերլատյեն  ամուսնացել է, ապրել երկար տարիներ, բայց երբեք չի խոսել Վան Գոգի հետ հանդիպման մասին: