Եղանակն՝ այսօր
«Սասնա ծռերի» երկու վիրավոր անդամները հրազենային վնասվածքներից բացի նաև կոտրվածքներ են ստացել. բժիշկ (տեսանյութ)
«Սասնա ծռերի» երկու վիրավոր անդամները հրազենային վնասվածքներից բացի նաև կոտրվածքներ են ստացել: Այս մասին այսօր լրագրողների հետ զրույցում ասաց «Էրեբունի» հիվանդանոցի ինտենսիվ թերապիայի գիտական ղեկավար Հարություն Մանդոյանը:
«Այսօր գիշերը ժամը 2։50 հիվանդանոց տեղափոխված «Սասնա ծռերի» վիրավոր անդամներ Աշոտ Պետրոսյանն ու Հովհաննես Հարությունյանը վիրահատվել են , գտնվում են վերակենդանացման բաժանմունքում, երկուսի վիճակն էլ նորմալ է, վնասվածքը միջին ծանրության է, երկուսի գիտակցությունն էլ տեղն է»,- ասաց նա։
Բժիշկը հայտնեց, որ Աշոտ Պետրոսյանը ստորին վերջույթների հրազենային վնասվածք է ստացել, ինչպես նաև աջ ազդրի կոտրվածք՝ հրազենային վիրավորման արդյունքում:
Մանդոյանը տեղեկացրեց, որ 29-ամյա Հովհաննես Հարությունյանն աջ ազդրի հրազենային վնասվածք է ստացել և աջ կրունկի հրազենային վնասվածք՝ ոսկորի կոտրվածքով:
«Նրանք ժամանակին են հասցվել հիվանդանոց և հաշմանդամություն խնդիր, ամենայն հավանականությամբ, չեն ունենա»,- ասաց բժիշկը:
Հարցին, թե ինչու է արգելվում հիվանդներին տեսակցելը, բժիշկն ասաց, որ դա բժիշկների արգելքը չէ, պարզապես իրենք մինչև կեսօր ձեռնպահ են մնում տեսակցություններ թույլ տալուց, որպեսզի չխոչընդոտվի բժիշկների աշխատանքը:
Studio One