Սիրիայում ռուսական ուղղաթիռ է խփվել
Սիրիական Իդլիբ շրջանում ռուսական «Մի-8» ուղղաթիռ է կործանվել, հայտնում է meduza.io-ն` մանրամասնելով, որ ուղղաթիռում եղել է 5 հոգի, որոնց ճակատագրի մասին դեռևս ոչինչ հայտնի չէ:
«Օգոստոսի 1-ին ցամաքային գնդակոծության հետևանքով Իդլիբում կործանվել է ռազմական «Մի-8» ուղղաթիռը, որը մարդասիրական օգնությունը Հալեպ տեղափոխելուց հետո վերադառնում էր «Հմեյմիմ» ավիաբազա»,-ասված է ՌԴ պաշտպանության նախարարության տարածած հաղորդագրությունում:
Սիրիական մի շարք ԶԼՄ-ների փոխանցմամբ, ուղղաթիռի օդաչուն զոհվել է, սակայն ՌԴ ՊՆ-ն այս տեղեկությունը դեռևս չի հաստատել:
Աղբյուրը մանրամասնում է, որ Ռուսաստանը 2015թ. սեպտեմբերին մինչ 2016թ. մարտը ռազմական օպերացիա է իրականացրել Սիրիայում, ինչի հետևանքով զոհվել է 14 ռուս զինծառայող:










