Չեռնոբիլի աղետի գոտում կարող է կառուցվել արևային էներգիայի` աշխարհում ամենամեծ գործարանը
Մարդկության պատմության մեջ ամենաողբերգական միջուկային աղետի էպիկենտրոնում` Չեռնոբիլում, կարող է կառուցվել արևային էներգիայի` աշխարհում ամենամեծ գործարանը, հայտնում է The Independent-ը:
Բրիտանական պարբերականը նկատում է, որ վերոհիշյալ գործարանի կառուցման համար Չեռնոբիլի աղետի գոտին աշխարհագրական դիրքի առումով շատ համապատասխան է, մինչդեռ դրա կառուցման անվտանգության հարցը երկմտանքի առիթ է տալիս:
Հայտնի է, որ Ուկրաինայի կառավարությունը ցանկանում է ամայացած տարածքին նոր շունչ հաղորդել ու այնտեղ արևային հազարավոր մարտկոցներ տեղադրել:
Ենթադրվում է, որ կառուցվելիք գործարանը կարտադրի 4 գեգավատտ հզորությամբ էլեկտրաէներգիա: Բացի այդ տարածքում դեռևս պահպանվել են այն բոլոր ենթակառուցվածքները, որոնք անհրաժեշտ են մեծ քանակությամբ էներգիա տեղափոխելու համար:
Հայտնի է, որ Զարգացման Եվրապական բանկը չի բացառել, որ անվտանգության չափորոշիչների պահպանման դեպքում կարող է մասնամբ ֆինանսավորել ծրագրի իրականացումը:
Հիշեցնենք, որ 1986թ. տեղի ունեցած միջուկային սարսափելի աղետի հետևանքով զոհվել է 100.000 մարդ: Իսկ տեղի էկոհամակարգին հասցված վնասի չափն ուղղակի ահռելի է:










