Լոնդոնում անցորդների վրա դանակով հարձակվողը 19-ամյա երիտասարդ է եղել

09:22 • 04.08.16

Լոնդոնի ոստիկանությունը հայտնել է, որ քաղաքի կենտրոնում` Ռասել սքուերում, անցորդների վրա դանակով հարձակում իրականացնողը 19-ամյա երիտասարդ է:

 

Ինչպես նշում է gazeta.ru-ն՝ վկայակոչելով իրավապահներին, հարձակվողը, ըստ ամենայնի, հոգեկան խանգարում ունի:

 

Աղբյուրը մանրամասնում է, որ իշխանությունները տեղի ունեցածն ահաբեկչություն են համարում, սակայն վերջնական որոշումը կայացվելու է մանրազնին հետաքննությունից հետո:

 

Ինչպես ավելի վաղ հայտնել է Tert.am-ը, հարձակման հետևանքով զոհվել է մեկ մարդ, կա հինգ վիրավոր:

 

«Թաղամաս հավելյալ ուժեր են ուղարկվել անվտանգության ապահովման համար»,- ասվում է հաղորդագրությունում: