Բրիտանացի 2 զբոսաշրջիկներ իսպանական հանգստավայրի հյուրանոցների տասնյակ համարներ են թալանել
Իսպանական Բալեարյան կղզիներում գտնվող Մագալուֆ հանգստավայրում բրիտանացի 2 զբոսաշրջիկներ են ձերբակալվել` հյուրանոցների առնվազն 20 համարներից գողությունների համար, գրում է The Mirror-ը:
Տղամարդիկ, որոնց ինքնությունը չի նշվում, ձերբակալվել են Իսպանիայի քաղաքացիական գվարդիայի մարտիկների կողմից:
Հանցագործների հյուրանոցային համարում ուժայինները հայտնաբերել են գողացված բջջային հեռախոսներ, նոութբուքեր և գումար: Ընդ որում՝ 20 հանցագործություններից 4-ի դեպքում նրանք գողություններ են արել համարներից, որոնցում այդ պահին մարդիկ են եղել:










