Վին Դիզելը վեճից հետո լքել է «Ֆորսաժ- 8»-ի նկարահանումները

Հոլիվուդյան մարտաֆիլմերի աստղ Վին Դիզելը խաղընկեր Դուեյն Ջոնսոնի հետ վեճից հետո լքել է «Ֆորսաժ- 8» ֆիլմի նկարահանման հրապարակը:

Ինչպես հայտնում է lenta.ru-ն՝ TMZ-ին հղումով, Դիզելը հավաքել է նկարահանման հրապարակում գտնվող բոլորին` հայտնելով հեռանալու մասին:

Նշվում է, որ դերասանն ամբողջությամբ ավարտել է իր մասնակցությունը կինոնախագծին:

Քաջատեղյակ աղբյուրների փոխանցմամբ՝ Ջոնսոնին դուր չեն գալիս ֆիլմի համապրոդյուսերի դերում հանդես եկող Դիզելի իրականացրած որոշ ստեղծագործական լուծումներ:

Ինչպես ավելի վաղ հայտնել է Tert.am-ը, օգոստոսի 9-ին Ջոնսոնն իր ֆեյսբուքյան էջում գրառում է արել, որում իր որոշ գործընկերներին ոչ պրոֆեսիոնալ, վախկոտ լակոտներ է անվանել:

Հետագայում պարզվել է, որ դերասանի գրառումը վերաբերում է Վին Դիզելին: