Ջենիֆեր Լոպեսը նոր ֆիլմում կմարմնավորի «Կոկաինի կնքամորը»

Ամերիկյան հայտնի երգչուհի և դերասանուհի Ջենիֆեր Լոպեսը պատրաստվում է մասնակցել նոր կինոնախագծի, որում մարմնավորելու է տխրահռչակ նարկոբարոնուհի Գրիսելդա Բլանկոյին:

Ինչպես հայտնում է The Independent-ը, ֆիլմի արտադրությամբ զբաղվելու է HBO հեռուստաընկերությունը, մինչդեռ Լոպեսը հանդես կգա նաև գործադիր պրոդյուսերի դերում:

Ֆիլմի սյուժեն հիմնված կլինի կոլումբացի նարկոբարոնուհու կյանքի պատմության վրա` ներկայացնելով, թե ինչպես է Բլանկոն գլխավորել պատմության մեջ ամենաազդեցիկ նարկոկարտելներից մեկն ու հռչակվել «Կոկաինի կնքամայր»:

Աղբյուրը մանրամասնում է, որ Բլանկոն ԱՄՆ-ում դատապարտվել է 20 տարվա ազատազրկման` թմրանյութերի առևտրով զբաղվելու, ինչպես նաև մոտ 200 սպանություն իրագործելու համար: 2004թ. նա արտահանձնվել է Կոլումբիային, իսկ 2012թ. սպանվել 2 զինված տղամարդկանց կողմից: