Բրազիլացի գրաֆիտի նկարիչը ստեղծել է աշխարհի ամենամեծ գրաֆիտին՝ Ռիոյի Օլիմպիական խաղերի պատվին (լուսանկարներ, տեսանյութ)

Սթրիթ արտն օլիմպիական մարզաձև չէ, բայց եթե լիներ, ապա Էդուարդո Կոբրան վստահամբ ոսկե մեդալ կստանար իր 2.787 քառակուսի մետր ծավալով գրաֆիտիի համար, որը նա նկարել է Ռիո դե Ժանեյրոյում ընթացող Օլիմպիական խաղերի պատվին, գրում է viralnova.com-ը:

Ռիոյի նավահանգստային թաղամասում արված Las Etnias («Էթնոսներ») անվանված գրաֆիտիի բարձրությունը 15 մետր է: Այն ներկայացնում է հինգ տարբեր մայրցամաքներից հինգ դեմքեր, որոնք ներկայացնում են ինչպես օլիմպիական 5 օղակները, այնպես էլ խաղերի մշակութային բազմազանությունը:

Սան Պաուլոյից 40-ամյա Կոբրան նկարի վրա աշխատել է երկու ամիս: Եթե Գինեսի ռեկորդների գիրքը հաստատի, ապա Կոբրայի գրաֆիտին կլինի մի մարդու կողմից արված ամենամեծ գրաֆիտին: