Forbes-ը հրապարակել է 2017թ. 10 ամենահարուստ ամերիկյան աստղերի ցանկը (լուսանկարներ)

11:05 • 19.12.17

Հեղինակավոր Forbes հանդեսը հրապարակել է 2017թ. ԱՄՆ-ի ամենահարուստ աստղերի վարկանշային աղյուսակը, որ 5.5 մլրդ դոլար կարողությամբ գլխավորել է հոլիվուդյան կինոռեժիսոր Ջորջ Լուկասը:

Նրան հաջորդում է ոչ պակաս տաղանդավոր կինոռեժիսոր Սթիվեն Սփիլբերգը, որն ունի 3.6 մլրդ դոլար: Աշխարհի ամենահարուստ սևամորթ կանանցից մեկը՝ հեռուստահաղորդավարուհի Օփրա Ուինֆրին, 2.8 մլրդ դոլարով եզրափակում է լավագույն եռյակը:

Ընդհանուր առմամբ, Forbes-ի վարկանշային աղյուսակում ներառվել է 10 հայտնի մարդ, որոնց ընդհանուր կարողությունը 18 մլրդ դոլար է: Աղբյուրը նկատում է, որ նախորդ տարի այս ցուցանիշն ավելի ցածր էր՝ 16.7 մլրդ դոլար:

Ցանկը կազմելուց առաջ մասնագետները հաշվի են առել հարկերի վճարումից հետո աստղերի ունեցվածքի չափը, անշարժ գույքը, արվեստի գործերն ու ակտիվները: Բացի այդ, ցանկում ներառվելու համար կարևոր նախապայման է եղել այն փաստը, որ մարդը սկսել է մեծ գումարներ վաստակել իր հայտնիության շնորհիվ, ոչ թե ճանաչում է ձեռք բերել իր հարստության շնորհիվ:

Ստորև ուշագրավ ֆոտոշարքով ներկայացնում ենք վարկանշային աղյուսակի բոլոր մասնակիցներին ու նրանց կարողությունը.

Կինոռեժիսոր Ջորջ Լուկաս, 5.5 մլրդ դոլար