Եղանակն՝ այսօր
«Ես հավատում եմ ամուսնությանը, բայց ոչ ոքի ոչինչ չեմ ստիպում». Ջենիֆեր Լոպեսը պատմել է 4-րդ անգամ ամուսնանալու հավանականության մասին (լուսանկարներ)
Ամերիկյան հայտնի երգչուհի, դերասանուհի և պարուհի Ջենիֆեր Լոպեսը զարդարել է Harper’s Bazaar ամսագրի ապրիլյան համարի շապիկը՝ տալով բավական անկեղծ հարցազրույց ու նկարահանվելով գեղեցիկ ֆոտոշարքում:
Քառասունյոթամյա աստղը, որն արդեն մեկ տարի հանդիպում է հայտնի բեյսբոլիստ Ալեքս Ռոդրիգեսի հետ, խոստովանել է, որ չի շտապում 4-րդ ամուսնության հարցում:
Լոպեսն ընդգծել է, որ թեպետ հավատում է ամուսնությանը, սակայն ոչ մեկին ոչինչ չի ստիպում անել:
«Ես հավատում եմ ամուսնությանն ու կնախընտրեի ծերանալ մեկի հետ, ում հետ օրինական հարաբերությունների մեջ եմ: Բայց հիմա ես ոչ ոքի նման բան անել չեմ ստիպում»,-ասել է երգչուհին, որը նախկինում ամուսնացած է եղել Օջանի Նոայի, Քրիս Ջադի ու Մարկ Էնթոնիի հետ:
Խոսելով իր ու Ռոդրիգեսի ներդաշնակ հարաբերությունների մասին՝ Լոպեսն ընդգծել է, որ դրանք շատ առողջ հարաբերություններ են:
«Մենք մեկս մյուսիս կյանքը հասկանում ենք այնպես, ինչպես չեն կարողանում ուրիշները: Մեր անցած ուղին շատ նման է, մենք բավական նմանություններ ունենք»,-ասել է Լոպեսը:
Studio One