Ըստ հաղորդման՝ դատախազ եղբայրների կողմից ավագ քննիչին ծեծի ենթարկելու վերաբերյալ քրեական գործը կարճվել է. ՀՔԾ

13:57 • 17.03.18

Ըստ հաղորդման՝ դատախազ եղբայրների կողմից Քննչական կոմիտեի ավագ քննիչին ծեծի ենթարկելու վերաբերյալ քրեական գործը կարճվել է:

Այս մասին Tert.am-ի՝ գործի վերաբերյալ հարցին ի պատասխան հայտնեցին Հատուկ քննչական ծառայությունից. «Ձեր կողմից նշված քրեական գործը կարճվել է»:

Նշենք, որ ծեծի դեպքը տեղի էր ունեցել նախորդ տարի՝ նոյեմբերի 20-ին, ըստ հաղորդման ավագ քննիչ Սուրեն Նազարյանը ծեծի էր ենթարկվել դատախազներ, երկվորյակ եղբայրներ Նարեկ և Հայկ Խաչատրյանների կողմից:

Փաստի առթիվ Հատուկ քննչական ծառայությունում քրեական գործ էր հարուցվել՝ ՀՀ քրեական օրենսգրքի 118-րդ հոդվածով (ծեծը):