Հրդեհ Վանաձորի «Ավտոմատիկա» գործարանի արտադրամասում. այրվել է ներկանյութեր պատրաստող 2 վառարան
Մարտի 17-ին, ժամը 12:54-ին ահազանգ է ստացվել, որ հրդեհ է բռնկվել Լոռու մարզի Վանաձոր քաղաքի Երևանյան խճուղու թիվ 111 հասցեում գտնվող նախկին Ավտոմատիկայի գործարանում:
Ինչպես տեղեկացնում է Արտակարգ իրավիճակների նախարարության կայքը, դեպքի վայր է մեկնել երեք մարտական հաշվարկ:
Պարզվել է, որ հրդեհը բռնկվել է Երևանյան խճուղու թիվ 111 հասցեում գտնվող նախկին «Ավտոմատիկա» գործարանի արտադրամասում:
Հրդեհը մեկուսացվել է ժամը 13:33-ին, մարվել՝ 14:02-ին:
Այրվել է ներկանյութեր պատրաստող 2 վառարան և տանիքից (ընդհանուր՝ 500 քմ) մոտ 65 քմ հատված:










