Հունական կղզու ափերի մոտ հայտնաբերվել է 14 ներգաղթյալի մարմին
Հունական Ագատոնիսի կղզու ափերի մոտ հայտնաբերվել է 14 ներգաղթյալի մարմին, որոնք մահացել են Էգեյան ծովի ջրերում փայտյա նավակի խորտակման հետևանքով: Այս մասին հայտնում է «РИА Новости»-ն՝ հղում անելով հունական լրատվամիջոցներին:
Ավելի վաղ հաղորդվել էր 6 զոհի մասին, այդ թվում՝ 4 երեխայի: Ընդհանուր առմամբ, նավակում գտնվել է 21 մարդ: Հունական կղզու ափ է կարողացել դուրս գալ 2 կին և 1 տղամարդ:
Նավակի խորտակման վայրում շարունակվում են որոնողափրկարարական աշխատանքները:










