Նիդեռլանդներում ջրմուղագործները 15-րդ դարի գանձ են հայտնաբերել

14:20 • 17.03.18

Նիդեռլանդների Ուտրեխտ նահանգում ջրմուղագործները խողովակի տեղադրման աշխատանքների իրականացման ժամանակ հայտնաբերել են կավե կճուճ, որն, ինչպես պարզվել է, իսկական գանձեր է պարունակել: Կավե կճուճի մեջ գտնվել է գրեթե 500 մետաղադրամ, որոնցից 12-ը՝ ոսկուց:

Ինչպես գրում է life.ru-ն, դեպքի վայր կանչված մասնագետները պարզել են, որ մետաղադրամների մեծ մասը պատկանում է 15-րդ դարի վերջին:

Որոշ մետաղադրամների վրա պատկերված են Անգլիայի արքա Հենրիխ Վեցերորդը, Հռոմի պապ Պողոս Երկրորդը և եպիսկոպոս Դավիթ Բուրգունդիացին:

Հնագետները համոզված են, որ այս գտածոն կարող է շատ բան պատմել Հագեշտայն քաղաքի մասին, որտեղ էլ գտնվել է կճուճը: