Ֆիլիպիններում ինքնաթիռի կործանման հետևանքով մահացել է 7 մարդ
Ֆիլիպինների Բուլական նահանգում ինքնաթիռի կործանման հետևանքով մահացել է 7 մարդ, այս մասին հաղորդում է RT հեռուստաալիքը:
Օդանավը Պլարիդելից ուղևորվելիս է եղել Լաոագ: Մահացել է 6 ուղևոր և ինքնաթիռի օդաչուն:
Նշվում է, որ Piper PA-23 Apache տեսակի օդանավը շահագործել է Lite Air Express ավիաընկերությունը:
Ինքնաթիռի կործանման մանրամասներն ու պատճառները դեռևս չեն հաղորդվում:
Օրեր առաջ Նեպալի մայրաքաղաք Կատմանդուում կործանվել էր US-Banga ավիաընկերության օդանավը, մահացել է 49 մարդ:










