Օբաման ցանկանում է «1 միլիոն երիտասարդ Բարաք Օբամաներ ստեղծել»

17:11 • 26.03.18

Միացյալ Նահանգների նախկին նախագահ Բարաք Օբաման Ճապոնիայում իր հետնախագահական կյանքի մասին պատմելիս հայտարարել է, որ կցանկանար «ստեղծել» մեկ միլիոն երիտասարդ Բարաք Օբամաներ ու մարդկային առաջընթացի գավազանը նրանց ձեռքը հանձնել, գրում է The Guardian-ը:

«Միակ կարևորագույն բանը, որ կարող եմ անել, հաջորդ սերնդին դաստիարակելու հարցում օգնելն է»,-ասել է ԱՄՆ պատմության մեջ առաջին սևամորթ նախագահը:

Օբաման ընդգծել է, որ իր Obama Foundation հիմնադրամը կարող է հարթակ ստեղծել երիտասարդների համար, որոնք կարող են ապագա ղեկավարներ դառնալ:

«Եթե դա ինձ հաջողվեր անել, ես կստեղծեի հարյուր հազարավոր կամ մեկ միլիոն երիտասարդ Բարաք կամ Միշել Օբամաներ, կամ մարդկանց հաջորդ սերունդը, որը կկարողանար ստանձնել մարդկության առաջընթացի գավազանը»,-ասել է նա: