Ստամբուլի մետրոյում փչացած շարժաշանդուղքը «կուլ է տվել» տղամարդուն (լուսանկարներ, տեսանյութ)

17:59 • 27.03.18

Ստամբուլի մետրոյում տղամարդն ընկել է շարքից դուրս եկած շարժասանդուղքի մեջ: Այս մասին հաղորդում է Hurriyet-ը: Միջադեպի լուսանկարներն ու տեսանյութը հրապարակել է The Daily Mail-ը:

Նշվում է, որ միջադեպը տեղի է ուենցել մետրոյի «Այազաղա» կայարանում: Տեսանյութում երևում է՝ ինչպես են մարդիկ գետնանցումում իջնում չաշխատող շարժասանդուղքով:

Մի պահ շարժասանդուղքը սկսում է աշխատել, ընդ որում՝ կառույցի մի հատվածում բացակայել են աստիճանները: Անսպասելի շարժման հետևանքով շարժասանդուղքի վրա գտնվող մարդիկ ընկել են: Տղամարդկանցից մեկը փորձել է բռնվել և կանգնած մնալ կառույցի ծայրին, սակայն ընկել է կառույցի մեջ:

Աղբյուրը մանրամասնում է, որ փրկարար գործողությունը տևել է մի ժամ: Տուժածը տեղափոխվել է հիվանդանոց, նրա կյանքին ոչինչ չի սպառնում:

Լրատվամիջոցների տվյալների համաձայն՝ փչացած շարժասանդուղքի դիմաց նախազգուշացնող նշան է տեղադրված եղել, սակայն մարդիկ ուշադրություն չեն դարձրել դրան: