Եղանակն՝ այսօր
Մենք միացել ենք մեր ժողովրդին, ոչ թե Նիկոլ Փաշինյանին կամ մեկ ուրիշին, մեզ համար անձերի հարցը չէ կարևոր. Վահե Էնֆիաջյան
«Ծառուկյան» խմբակցությունը, «Բարգավաճ Հայաստան» կուսակցությունը մշտապես եղել են ժողովրդի կողքին:
Tert.am-ի հետ զրույցում ասաց ԱԺ «Ծառուկյան» խմբակցության պատգամավոր Վահե Էնֆիաջյանը՝ նշելով, որ իրենք միացել են ժողովրդին, ոչ թե Նիկոլ Փաշինյանին կամ մեկ այլ անձի:
«Մենք մեր գործունեությունը ծավալել ենք ի նպաստ ժողովրդի: Հարցի լուծումը պետք է խաղաղ ճանապարհով լինի, անարյուն, անցնցում: Մենք միացել ենք մեր ժողովրդին, մեր ժողովրդի պահանջին, մեզ համար անձերի հարցը չէ, որ կարևոր է, մեզ համար կարևոր են անարդարության մթնոլորտի վերացման, սոցիալական վիճակի բարելավման հարցերը»,- ասաց Վահե Էնֆիաջյանը:
Հարցին՝ եթե Նիկոլ Փաշինյանի թեկնածությունն առաջադրվի որպես վարչապետ, «Ծառուկյան» խմբակցությունը կքվեարկի արդյոք նրա օգտին, Վահե Էնֆիաջյանը պատասխանեց. «Երբ թեկնածուներ առաջադրելու ժամանակը գա, ԲՀԿ-ը քաղաքական խորհրդի նիստ կհրավիրի և որոշում կայացնելուց հետո այն կհրապարակի»:
Studio One