Եղանակն՝ այսօր
Կլինի Գագիկ Ծառուկյանը, ես, թե դուք, պետությունը պետք է պաշտպանի իր արտադրողին. Սերգեյ Բագրատյանը՝ ցեմենտի ներկրման սահմանափակման մասին
ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը միանշանակ համաձայն չէ տեսակետին, թե ցեմենտի մաքսային դրույքաչափերի բարձրացմանն ուղղված օրենսդրական նախագիծն ուղղված չէ Հայաստանում ցեմենտ արտադրող երկու ընկերությունների շահերն առաջ տանելուն:
Այսօր հրավիրված մամուլի ասուլիսին նա նշեց, որ Հայաստանում ցեմենտի արտադրությունում ընդգրկված են հազարավոր քաղաքացիներ, երկու ընկերություն՝ Հրազդանի ցեմենտի գործարանը և Արարատի ցեմենտի գործարանը, որը պատկանում է ԲՀԿ խմբակցության ղեկավար Գագիկ Ծառուկյանին։ Ըստ նրա՝ եթե գործող գներով այս ընկերությունները չկարողանան մրցակցել Իրանից ներկրված ավելի էժան ցեմենտի հետ, բնականաբար կառավարությունը պետք է պաշտպանի տեղական արտադրողին:
«Կլինի Գագիկ Ծառուկյանը, թե կլինեմ ես, կամ դուք, եթե մենք արտադրություն ունենք, որտեղ հազարից ավելի մարդիկ ապահովված են աշխատանքով և նաև հարկերը վճարում են ժամանակին, և նաև արտադրանքը խիստ անհրաժեշտ է երկրին, մենք պետք է պաշտպանենք մեր արտադրողին և արված է քայլ, որը պաշտպանում է արտադրողի շահերը, այստեղ անձնավորված չնայեք, չէ՞ որ Հրազդան գործարանն էլ հո Գագիկ Ծառուկյանինը չէ»,-ասաց նա:
Ըստ նրա, Հայաստանն իր արտադրողին չի պաշտպանում, իսկ Իրանն իր արտադրողին պաշտպանում է, և այդ արտադրողը ներխուժում է մեր դաշտ ու դուրս մղում մեր արտադրողին:
«Դուք համաձա՞յն եք, որ այդ անհավասար պայմանները թույլ տանք, որ մեր արտադրողները դուրս գան, այսօր ցեմենտի գործարանը, վաղը «Գրանտ Քենդին», մյուս օրն էլ այլ արտադրողները չկարողանան մրցակցել, մենք տանուլ կտանք»,- ասաց նաև նշեց, որ այդ որոշումը կառավարության համարում է առաջընթաց քայլ:
Հարցին, թե արդյոք արդյունքում գնորդը չի տուժի, նա պատասխանեց, որ նախ անհավասար մրցակցության պայմաններն են շտկում, քանի որ իրանցի արտադրողը կարողանում է իր ապրանքը մտցնել հայկական շուկա ԱԱՀ-ից ազատված ձևով, մինչդեռ մեր արտադրողը տարբեր հարկերով հարկվում է: Բացի այդ, ըստ նրա, կառավարությունն էլ պետք է հորդորի արտադրողին, որ եթե աջակցում է նրան, ապա դա նշանակում է, որ արտադրողն էլ իր հերթին չպետք է գերշահույթ ակնկալի:
Studio One