Թուրքիայի նախագահը ներկա է եղել հայազգի լուսանկարիչ Արա Գյուլերի ցուցահանդեսին

21:49 • 30.06.19

Թուրքիայի նախագահ Ռեջեփ Թայիփ Էրդողանը Կիոտոյում ներկա է գտնվել հայտնի հայազգի լուսանկարիչ Արա Գյուլերի ցուցահանդեսի բացմանը: Ինչպես հայտնում է թուրքական աղբյուրը, միջոցառման բացմանը Տոֆուկուձի վանքում ներկա է գտնվել նաև արքայադուստր Ակիկոն:

Ելույթ ունենալով, Էրդողանը շնորհակալություն է հայտնել Ճապոնիային՝ նշելով, որ ուրախ էր այցելելու երկիր «Մեծ քսանյակի» գագաթնաժողովի մասնակցելու համար:

«Ստամբուլի աչք» մականունը ստացած լուսանկարչի գործերը, որոնք ավելի քան կեսդարյա ժամանակահատված են պատկերում, գլխավոր տեղերն են զբաղեցնում թանգարաններում, հավաքածուներում և ցուցահանդեսներում:

Հիշեցնենք, որ հռչակավոր լուսանկարիչը կյանքից հեռացել է 2018 թվականի հոկտեմբերին՝ 90 տարեկան հասակում: