Չելյաբինսկում կկառուցվի առաջին հայկական եկեղեցին

21:15 • 16.07.19

ՌԴ Չելյաբինսկ քաղաքի ղեկավարի ժամանակավոր պաշտոնակատար Նատալյա Կոտովան ստորագրել է առաջին հայկական եկեղեցու կառուցման թույլտվության մասին հանձնարարականը:

«Որոշվել է թույլտվություն հանձնել տեղի կրոնական կազմակերպությանը հողատարածքի օգտագործման և «Սուրբ Գրիգոր Լուսավորիչ եկեղեցու» կապիտալ շինարարության համար»,- Rusarminfo-ի փոխանցմամբ՝ ասվում է քաղաքապետարանի կայքում հրապարակված հայտարարության մեջ:

Նշվում է, որ Սուրբ Գրիգոր Լուսավորիչ հայկական եկեղեցին տեղակայված է լինելու քաղաքի Կուրչատովսկի շրջանի Բեյվելի փողոցում:

Շինարարության համար հատկացված հողատարածքի ընդհանուր մակերեսը կազմում է 315 քառ. մետր: